sinpin utala mi

English | toki pona

sinpin lili: linja kipisi li nasa, li tan sinpin tawa monsi. loje laso li lon sewi pi linja ni. walo li lon anpa pi linja ni. kili pi telo nasa li lon anpa pi palisa lawa tu. kili en palisa li ante kule. suno lili walo tu wan li lon sewi.

lawa: sewi pi soweli telo. ona li jo e sinpin utala loje laso pi sitelen tonsi walo.

nimi suli: ike ala, taso wile pona.

↑ ni li sinpin utala mi! sinpin utala li musi. anpa la, mi toki mute e sinpin mi.

sinpin lili

kule pi sinpin lili

tenpo lili la, mi sitelen e sinpin sama ijo pi linja tu wan. ijo pi linja tu wan li sitelen pi kulupu kule.

loje laso li pona mute tawa mi. mi kepeken e walo tan ni: mi kepeken e jelo la, sinpin li lukin sama kulupu ike.

linja kipisi li nasa tan nimi "genderfluid" pi toki Inli. nimi pona sama li "tonsi". linja li tan telo kin.

ijo pi sinpin lili

kili pi telo nasa li tan sewi Sijonisu. palisa lawa li tan soweli jan mi. ona li jo e palisa lawa tu.

suno sewi tu wan li tan ma mute mi. ma Inli en ma Ewopa en ma Netelan li ma ni.

lawa

mi li olin e telo. soweli jan mi li soweli telo. lawa mi li soweli telo tan ni. soweli telo li jo e sitelen tonsi tan ni: mi tonsi.

nimi suli

nimi suli mi li ni: "ike ala, taso wile pona". ona li sama sona pi jan Hanlon.

tenpo pini

tenpo pini la, mi kepeken e sinpin mute. (tenpo ni kepeken nasin pi jan Salan.)

lipu ni li kama lon tenpo ni: suno nanpa tu wan, pi mun awen suli tawa, pi tenpo kasi, pi sike suno nanpa mute
lipu ni li sin lon tenpo ni: suno nanpa luka, pi mun pini suli kama, pi tenpo kasi, pi sike suno nanpa mute

sitelen sitelen en lipu ni li kepeken lawa CC BY-NC-SA 3.0.
wan pi lipu ni pi sitelen Lasin li kepeken lawa CC0.

← lipu open